విద్యతోపాటు క్రీడలకు సమాన ప్రాధాన్యత ఇవ్వడం ద్వారా విద్యార్థులలో ప్రతిభను వెలికితీసి, వారి సమగ్ర అభివృద్ధికి బాటలు వేయవచ్చని మునగాల సర్పంచ్ నల్లపాటి ప్రమీల శ్రీనివాస్ అన్నారు. సోమవారం మునగాల మండల కేంద్రంలోని జిల్లా పరిషత్ ఉన్నత పాఠశాలలో అండర్-14, 17 బాలబాలికలకు కబడ్డీ, వాలీబాల్ క్రీడోత్సవాల ఎంపిక కార్యక్రమాన్ని ప్రారంభించి ఈ సందర్భంగా ఆమె మాట్లాడారు..క్రీడలు విద్యార్థుల్లో క్రమశిక్షణ, పట్టుదల, ఆత్మవిశ్వాసం, నాయకత్వ లక్షణాలను పెంపొందించడంతోపాటు ఆరోగ్యకరమైన జీవనశైలికి దోహదం చేస్తాయని పేర్కొన్నారు.విద్యార్థులు క్రీడల్లో ప్రతిభ చాటి ఉన్నత స్థాయికి ఎదగాలని ఆకాంక్షించారు. ఈ కార్యక్రమంలో మునగాల మండల విద్యాధికారి వెంకటేశ్వర్లు, కోదాడ మండల విద్యాధికారి సలీం షరీఫ్, పలువురు ఉపాధ్యాయులు తదితరులు పాల్గొన్నారు.