ధర్నాను విజయవంతం చేయాలి.. టీయూడబ్ల్యూజే ఐజేయూ రాష్ట్ర కార్యవర్గ సభ్యుడు చలసాని శ్రీనివాస్‌రావు

సూర్యాపేట జర్నలిస్టులు ఎదుర్కొంటున్న సమస్యల పరిష్కారం కోసం శుక్రవారం నిర్వహించే ధర్నాకు జిల్లా వ్యాప్తంగా జర్నలిస్టులు అధిక సంఖ్యలో తరలివచ్చి విజయవంతం చేయాలని టీయూడబ్ల్యూజే ఐజేయూ రాష్ట్ర కార్యవర్గ సభ్యుడు చలసాని శ్రీనివాస్‌రావు పిలుపునిచ్చారు. గురువారం సూర్యాపేట జిల్లా కేంద్రంలో టీయూడబ్ల్యూజే ఐజేయూ ఆధ్వర్యంలో నిర్వహించిన సమావేశంలో ఆయన మాట్లాడారు. గాంధీ జయంతి సందర్భంగా ఎంజీ రోడ్డులోని మహాత్మాగాంధీ విగ్రహానికి వినతిపత్రం అందజేసిన అనంతరం కొత్త బస్టాండ్‌ వద్ద ధర్నా నిర్వహించనున్నట్లు తెలిపారు. అనంతరం జిల్లా కలెక్టర్‌కు జర్నలిస్టుల డిమాండ్లతో కూడిన వినతిపత్రం అందజేస్తామన్నారు.

ప్రజలకు, ప్రభుత్వానికి మధ్య వారధిగా పనిచేస్తున్న జర్నలిస్టుల సమస్యల పరిష్కారంలో కేంద్ర, రాష్ట్ర ప్రభుత్వాలు నిర్లక్ష్యం వహిస్తున్నాయని ఆరోపించారు. జర్నలిస్టులకు ఇండ్ల స్థలాలు, ఆరోగ్య కార్డులు కల్పించాలని డిమాండ్‌ చేశారు. బస్సు పాస్‌లపై ప్రస్తుతం ఉన్న రాయితీని పెంచి 50 శాతం చార్జీలకే ప్రయాణించే అవకాశం కల్పించాలని కోరారు. జర్నలిస్టులపై దాడులను అరికట్టేందుకు ప్రత్యేక చట్టం తీసుకురావాలని డిమాండ్‌ చేశారు. సమావేశంలో టీయూడబ్ల్యూజే ఐజేయూ జిల్లా ప్రధాన కార్యదర్శి డాక్టర్‌ బంటు కృష్ణ, ఎలక్ట్రానిక్‌ మీడియా జిల్లా కార్యదర్శి బత్తుల మల్లికార్జున్, సీనియర్‌ జర్నలిస్టులు సుంకరబోయిన వెంకటయ్య, కందుకూరి యాదగిరి, శిగ సురేష్, ఏబీఎన్‌ మల్లేష్, షేక్‌ రషీద్, గుడిపూడి రామకృష్ణ, కందుల నాగరాజు, ఉయ్యాల నరసయ్య, మాదగోని వేణు, పల్లె మణిబాబు, బిగ్‌టీవీ రామకృష్ణ, కొండ్లె కృష్ణయ్య, తండు వెంకన్న, మహా న్యూస్‌ సురేందర్, దుర్గం బాలు, జహీర్, యోయో టీవీ శంకర్, వల్దాస్‌ శంకర్, పాషా తదితరులు పాల్గొన్నారు.