నల్లగొండ:

తెలంగాణ ప్రభుత్వం విడుదల చేసిన ఇంటర్మీడియట్ ఫలితాల్లో ఆల్ఫా జూనియర్ కళాశాల మరోసారి అద్భుత విజయాన్ని నమోదు చేసి జిల్లాలో అగ్రస్థానంలో నిలిచింది. గత 34 సంవత్సరాలుగా విద్యారంగంలో తిరుగులేని విజయభేరి మోగిస్తున్న ఆల్ఫా, ఈసారి కూడా తన ఆధిపత్యాన్ని చాటుకుంది.

కళాశాల ప్రిన్సిపాల్ బాద్ని రవికుమార్ మాట్లాడుతూ, ఎంపీసీ, బైపీసీ, ఎంఈసీ, హెచ్ఈసీ, సీఈసీ వంటి ప్రధాన గ్రూపులతో పాటు ఎంఎల్టీ, ఎంపీహెచ్డబ్ల్యూ, ఎల్‌ఎండీటీ, టీసీఎస్ వంటి ఇతర విభాగాల్లో కూడా స్టేట్ ర్యాంకులు సాధించిన ఘనత ఆల్ఫా కళాశాలకే దక్కిందన్నారు.

కార్పొరేట్ కళాశాలలతో పోటీ పడుతూ, గ్రామీణ ప్రాంత విద్యార్థులతోనే అద్భుత ఫలితాలు సాధించడం ఆల్ఫా ప్రత్యేకతగా నిలిచిందని ఆయన పేర్కొన్నారు. ఇంటర్మీడియట్ విద్యతో పాటు పోటీ పరీక్షల్లో కూడా రాణించేలా విద్యార్థులను తీర్చిదిద్దడంలో ఆల్ఫా విద్యాసంస్థలు ముందున్నాయని తెలిపారు.

ఈ సందర్భంగా అన్ని గ్రూపుల్లో ప్రతిభ కనబర్చిన విద్యార్థులను కళాశాల ప్రిన్సిపాల్ మరియు అధ్యాపక బృందం అభినందించారు.