హైదరాబాద్‌–విజయవాడ నేషనల్ హైవేపై వాహనాల రద్దీ తీవ్రంగా పెరిగింది. సెలవులు, శుభకార్యాలు ముగించుకుని తిరుగు ప్రయాణంలో హైదరాబాద్ వైపు వెళ్తున్న వాహనాలతో రహదారి కిక్కిరిసింది. ముఖ్యంగా చిట్యాల వద్ద భారీగా ట్రాఫిక్ జామ్ ఏర్పడి వాహనదారులు ఇబ్బందులు ఎదుర్కొన్నారు.ఇక హైవేపై కొనసాగుతున్న నిర్మాణ పనులు కూడా ట్రాఫిక్ సమస్యను మరింత పెంచుతున్నాయి. కొన్ని ప్రాంతాల్లో రహదారి మరమ్మత్తులు జరుగుతున్నందున వాహనాలు నెమ్మదిగా కదులుతున్నాయి. దీంతో ప్రయాణికులు తీవ్ర అసౌకర్యానికి గురవుతున్నారు.

ట్రాఫిక్ రద్దీని నియంత్రించేందుకు పోలీసులు చర్యలు తీసుకుంటున్నప్పటికీ వాహనాల సంఖ్య అధికంగా ఉండటంతో సమస్య పూర్తిగా తగ్గడం లేదు. అధికారులు అవసరమైన జాగ్రత్తలు తీసుకోవాలని, ప్రత్యామ్నాయ మార్గాలు వినియోగించాలని వాహనదారులకు సూచిస్తున్నారు.