తుంగతుర్తి మండల పరిధిలోని గొట్టిపర్తి గ్రామంలో వినాయక నవరాత్రి మహోత్సవాల సందర్భంగా హనుమాన్ గుడి ముందు ఏర్పాటు చేసిన గణపతి మండప ప్రాంగణంలో మంగళవారం హనుమాన్ యూత్ కమిటీ ఆధ్వర్యంలో మహా అన్నదాన కార్యక్రమాన్ని చేపట్టారు. ముందుగా మండపంలో స్వామి వారికి ప్రత్యేక అభిషేక పూజలు చేశారు. వందలాది మందికి పైగా భక్తులు తరలివచ్చి పాల్గొని స్వామి వారిని దర్శించుకుని, అన్న,తీర్థ ప్రసాదాలను స్వీకరించారు. ఈ కార్యక్రమంలో హనుమాన్ యూత్ కమిటీ సభ్యులు, భక్తులు, గ్రామస్తులు అధిక సంఖ్యలో పాల్గొన్నారు.