తుంగతుర్తి మండలం గొట్టిపర్తి గ్రామ ఎక్స్ రోడ్ లో అంబేద్కర్ యువజన సంఘం ఆధ్వర్యంలో నిర్వహించిన 135వ అంబేద్కర్ జయంతి వేడుకలు కొలహాలంగా, డప్పు చప్పులతో, డీజే పాటలతో ,మహిళల కోలాటంతో ఘనంగా నిర్వహించారు. ఈ కార్యక్రమానికి ముఖ్యఅతిథిగా జిల్లా డీసీసీ అధ్యక్షులు గుడిపాటి నరసయ్య, తుంగతుర్తి మార్కెట్ కమిటీ చైర్మన్ తీగల గిరిధర్ రెడ్డి, వైస్ చైర్మన్ చింతకుంట్ల వెంకన్న, సర్పంచ్ మంజుల అంబేద్కర్ విగ్రహానికి పూలమాలవేసి నివాళులు అర్పించారు. ఈ సందర్భంగా వారు మాట్లాడుతూ... బడుగు బలహీన వర్గాల ఆశ జ్యోతి భారత రాజ్యాంగ నిర్మాత అంబేద్కర్ అన్నారు. అనంతరం గ్రామంలో కళాకారులకు డప్పుల పంపిణీ, కోలాటం మహిళలకు చీరల పంపిణీ, అన్నదాన కార్యక్రమం నిర్వహించారు. ఈ కార్యక్రమంలో ఉప సర్పంచ్ శ్రీకాంత్ , మాజీ రాష్ట్ర బీసీ కమిషన్ సభ్యులు కోతి కిషోర్ గౌడ్, అంబేద్కర్ యువజన సంఘ అధ్యక్షుడు పరుశురాం, కమిటీ సభ్యులు, మాజీ ఎంపీటీసీలు, సర్పంచులు,గ్రామ పెద్దలు పాల్గొన్నారు.