భారతీయ జీవిత బీమా సంస్థ ఏజెంట్ల సమాఖ్య (లియాఫీ - LIAFI 1964) 62వ ఆవిర్భావ దినోత్సవ వేడుకలను చౌటుప్పల్‌లో శుక్రవారం అత్యంత వైభవంగా నిర్వహించారు. ఈ సందర్భంగా స్థానిక ఎల్‌ఐసీ బ్రాంచ్ ఆఫీసులో సంఘం నాయకులు, సభ్యులు కేక్ కట్ చేసి వేడుకలను ప్రారంభించారు. అనంతరం స్థానిక ప్రభుత్వ ఆసుపత్రిలోని రోగులకు పండ్లను పంపిణీ చేశారు.​ఈ సందర్భంగా లియాఫీ చౌటుప్పల్ బ్రాంచి అధ్యక్షులు బొడిగె లక్ష్మయ్య, ప్రధాన కార్యదర్శి జెల్లా మల్లేశం, కోశాధికారి గుర్రం సత్యపాల్ మాట్లాడారు. ఏజెంట్ల సంక్షేమం కోసం, ఎల్‌ఐసీ సంస్థ అభివృద్ధి కోసం లియాఫీ నిరంతరం కృషి చేస్తోందని పేర్కొన్నారు.​ఈ కార్యక్రమంలో జోనల్ నాయకులు కొండే నరసింహ, పిండి యాదగిరి, బత్తుల కృష్ణ, ఐ.నరసింహ, ఎ.ఏసుదాసు, గంగాధర్, ఎం.మహేష్, ఉస్మాన్, అంజయ్య తదితరులు పాల్గొన్నారు.