మండల పరిధిలోని లింగోజిగూడెం కాంగ్రెస్ పార్టీ ప్రధాన కార్యదర్శి బోసి హరిబాబు జన్మదిన వేడుకలు గ్రామ శాఖ ఆధ్వర్యంలో శనివారం ఘనంగా నిర్వహించారు. ఈ సందర్భంగా పార్టీ కార్యాలయం వద్ద నాయకులు, కార్యకర్తలు కేక్ కట్ చేసి హరిబాబుకు శుభాకాంక్షలు తెలియజేశారు.ముఖ్య అతిథులుగా ఎండోమెంట్ డైరెక్టర్ బాతరాజు యాదయ్య, కాంగ్రెస్ గ్రామ శాఖ అధ్యక్షుడు పర్నె శివారెడ్డి, మాజీ కౌన్సిలర్ బండమీది మల్లేష్ హాజరై హరిబాబును శాలువాతో సత్కరించారు. పార్టీ బలోపేతానికి ఆయన చేస్తున్న కృషిని ఈ సందర్భంగా కొనియాడారు.తమ నాయకుడి పుట్టినరోజు కావడంతో కాంగ్రెస్ పార్టీ కార్యకర్తలు, అభిమానులు పెద్ద సంఖ్యలో తరలివచ్చి శుభాకాంక్షలు తెలిపారు. ఈ కార్యక్రమంలో పార్టీ నాయకులు, అనుబంధ సంఘాల ప్రతినిధులు, గ్రామ ప్రజలు పాల్గొన్నారు.