గ్రామపంచాయతీలకు సంబంధించిన రికార్డులను నిబంధనల ప్రకారం సక్రమంగా నిర్వహించాలని డీఆర్డీఓ సన్నాసయ్య సూచించారు.గురువారం మునగాల ఎంపీడీవో కార్యాలయంలో ఎంపీడీవో, ఈసీ, టీఏ, ఎఫ్ఏ అధికారులతో కలిసి గ్రామపంచాయతీ రిజిస్టర్లను పరిశీలించారు.ఈ సందర్భంగా వివిధ రిజిస్టర్లలో నమోదైన వివరాలు, వాటి నిర్వహణ తీరును క్షుణ్ణంగా తనిఖీ చేసి అధికారులను వివరాలు అడిగి తెలుసుకున్నారు. పంచాయతీల్లో చేపడుతున్న పనులు, వాటికి సంబంధించిన రికార్డులను ఎప్పటికప్పుడు నవీకరించాలని సూచించారు. ప్రభుత్వ నిబంధనలు, మార్గదర్శకాలను తప్పనిసరిగా పాటిస్తూ విధుల్లో పారదర్శకతకు ప్రాధాన్యత ఇవ్వాలని తెలిపారు. రికార్డుల నిర్వహణలో ఎలాంటి పొరపాట్లకు తావులేకుండా సంబంధిత సిబ్బంది బాధ్యతగా వ్యవహరించాలని ఆదేశించారు.