భువనగిరి, సెప్టెంబర్‌ 22: గంజ్‌ ప్రాంతంలోని స్వామి వివేకానంద యువజన సంఘం ఆధ్వర్యంలో 48వ గణపతి నవరాత్రి ఉత్సవాల్లో భాగంగా మంగళవారం మహా అన్నప్రసాద వితరణ కార్యక్రమాన్ని నిర్వహించారు. కార్యక్రమంలో పలువురు ప్రజాప్రతినిధులు, కాంగ్రెస్‌ నాయకులు, ఉత్సవ కమిటీ ప్రతినిధులు పాల్గొన్నారు.

స్థానిక పీసీసీ ఆహ్వాన కమిటీ సభ్యుడు తంగళ్లపల్లి రవికుమార్‌, జిల్లా గ్రంథాలయ సంస్థల చైర్మన్‌ అవేజ్‌ రేహ్మాన్‌ చిస్తీ, స్థానిక కౌన్సిలర్లు స్వాతి మహేష్‌, సరగడ రాజ్యలక్ష్మి అమర్‌నాథ్‌, నాకోటి నాగు, కాంగ్రెస్‌ నాయకులు రఘుబాబు, శివకుమార్‌, భువనగిరి గణేష్‌ ఉత్సవ కమిటీ చైర్మన్‌ నాగభూషణం, జిల్లా ఉత్సవ కమిటీ చైర్మన్‌ పసుపునూరి నాగభూషణం, జిల్లా రైస్‌ మిల్లర్స్‌ అసోసియేషన్‌ అధ్యక్షుడు మార్త వెంకటేశం తదితరులు పాల్గొన్నారు.

స్వామి వివేకానంద యువజన సంఘం అధ్యక్షుడు కూరెల్ల విశ్వం ఆధ్వర్యంలో సంఘ సభ్యులు పసుపునూరి మనోహర్‌, బాదం వెంకటేశ్వర్లు, మంచికంటి రవికుమార్‌, మంచాల రమేష్‌, ఎడవెల్లి నవీన్‌, జూలూరు కిరణ్‌, లెంకలపల్లి శ్రీధర్‌ తదితరులు కార్యక్రమాన్ని నిర్వహించారు. గంజ్‌ వ్యాపారులు, దాతలు పాల్గొని అన్నప్రసాద వితరణ కార్యక్రమాన్ని విజయవంతం చేశారు.