మునగాల మండల కేంద్రంలోని ఎస్సీ హాస్టల్ ను మండల పరిషత్ అభివృద్ధి అధికారి రమేష్ దీన్ దయాల్ సోమవారం తనిఖీ చేశారు.విద్యార్థులకు అందిస్తున్న ఆహారం నాణ్యతను పరిశీలించి, మెనూ ప్రకారం ఆహారం అందిస్తున్నారో లేదో విద్యార్థులతో మాట్లాడి తెలుసుకున్నారు. ప్రభుత్వం నిర్దేశించిన విధంగా నాణ్యమైన ఆహారం అందించాలని, లేనిచో చర్యలు తీసుకుంటామని ఆయన అన్నారు. అనంతరం విద్యార్థులతో కలిసి భోజనం చేశారు.