అమీర్‌పేట: ఎస్సార్‌నగర్ పోలీస్ స్టేషన్‌కు నూతన డిటెక్టివ్ ఇన్‌స్పెక్టర్ (డీఐ)గా సీహెచ్. చంద్రశేఖర్‌ను అధికారులు నియమించారు. 2009 బ్యాచ్‌కు చెందిన ఆయన గతంలో యాదగిరిగుట్ట, ఘట్‌కేసర్, ఉప్పల్ ప్రాంతాల్లో సేవలందించారు. ఇటీవల జరిగిన బదిలీల్లో భాగంగా మల్కాజిగిరి కమిషనరేట్‌లో పనిచేస్తున్న ఆయనను ఎస్సార్‌నగర్ డీఐగా బదిలీ చేశారు. కొత్త బాధ్యతల్లో నేర నియంత్రణకు ప్రాధాన్యం ఇస్తూ సమర్థంగా పనిచేస్తానని చంద్రశేఖర్ తెలిపారు.