ఆడబిడ్డ జననానికి ‘మహాలక్ష్మి కానుక’గా నగదు అందజేత

చౌటుప్పల్ మండల పరిధిలోని తుప్రాన్‌పేట గ్రామ సర్పంచ్ బక్కతట్ల రాధిక–శ్రీశైలం యాదవ్ ఎన్నికల సమయంలో ఇచ్చిన హామీని నెరవేర్చారు. గ్రామపంచాయతీ మేనిఫెస్టోలో పేద, మధ్యతరగతి కుటుంబాల్లో జన్మించే ఆడబిడ్డలకు ‘మహాలక్ష్మి కానుక’ అందజేస్తానని ప్రకటించి తాజాగా ఆ మాట నిలబెట్టుకున్నారు.గ్రామానికి చెందిన వర్కూరి మౌనిక–బాలకృష్ణ దంపతులకు ఇటీవల ఆడబిడ్డ జన్మించిన విషయం తెలుసుకున్న సర్పంచ్, ఆదివారం వారి ఇంటికి వెళ్లి శుభాకాంక్షలు తెలిపారు. ఇచ్చిన హామీ ప్రకారం ఆ చిన్నారికి ‘మహాలక్ష్మి కానుక’గా రూ.10,116 నగదు అందజేశారు.ఈ సందర్భంగా గ్రామ ఉపసర్పంచ్ ముద్దం రమేష్ యాదవ్, వార్డు సభ్యులు బొజ్జ స్వామి, బక్కతట్ల శ్రీకాంత్ యాదవ్, మంటిపల్లి మల్లయ్య యాదవ్, వర్కూరి బాలకృష్ణ, పోచమోని అండాలు, గంధం భాగ్యమ్మ అశోక్, భారాస గ్రామ శాఖ ప్రధాన కార్యదర్శి చంచల భరత్, మాజీ గ్రామ శాఖ అధ్యక్షుడు బక్కతట్ల యాదగిరి యాదవ్, వర్కూరి రాము, వంటల ప్రవీణ్, చిలుకల మల్లేష్, గుండెమోని నాగరాజు యాదవ్, పోచమోని పవన్ యాదవ్ తదితరులు పాల్గొన్నారు.