: నాగార్జున ప్రభుత్వ కళాశాలలో నిర్వహించిన మెగా జాబ్ డ్రైవ్‌కు విద్యార్థుల నుంచి విశేష స్పందన లభించింది.

తెలంగాణ స్కిల్స్ అండ్ నాలెడ్జ్ సెంటర్ (TSKC) ఆధ్వర్యంలో, మ్యాజిక్ బస్ ఇండియా ఫౌండేషన్ సహకారంతో కళాశాల సెమినార్ హాల్‌లో ఈ జాబ్ డ్రైవ్ నిర్వహించారు. మొత్తం 162 మంది విద్యార్థులు పాల్గొనగా, ఎంపిక ప్రక్రియలో 57 మంది వివిధ సంస్థల్లో ఉద్యోగాల కోసం షార్ట్‌లిస్ట్ అయ్యారు.

ఈ సందర్భంగా కళాశాల ప్రిన్సిపల్ డా. ఎస్. ఉపేందర్, టీఎస్‌కేసీ కోఆర్డినేటర్ డా. ఎం. అనిల్ కుమార్ మాట్లాడుతూ ఇలాంటి జాబ్ డ్రైవ్‌లు విద్యార్థులకు ఉపాధి అవకాశాలను పెంచుతాయని తెలిపారు.

భవిష్యత్తులో మరిన్ని ఉద్యోగ అవకాశాలు కల్పించేందుకు ఇలాంటి కార్యక్రమాలను కొనసాగిస్తామని పేర్కొన్నారు.