సంగారెడ్డి ఎమ్మెల్యే క్యాంపు కార్యాలయంలో సంగారెడ్డి పట్టణ ఎస్సీ సెల్ అధ్యక్షుడు కాసిని శ్రీకాంత్ జన్మదిన వేడుకలు ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే చింత ప్రభాకర్ శ్రీకాంత్‌తో కలిసి కేక్ కట్ చేసి శుభాకాంక్షలు తెలిపారు. అనంతరం శాలువాతో సత్కరించి ప్రజా సేవలో మరింత ముందుకు సాగాలని ఆకాంక్షించారు. ఈ వేడుకల్లో అందోల్ మాజీ ఎమ్మెల్యే చంటి క్రాంతికిరణ్, భూపాల్ రెడ్డి కూడా పాల్గొని శుభాకాంక్షలు తెలిపారు. పార్టీ నాయకులు, కార్యకర్తలు పెద్ద సంఖ్యలో హాజరై శ్రీకాంత్‌కు అభినందనలు తెలియజేశారు. సామాజిక సేవలో చురుకుగా ఉండే శ్రీకాంత్ భవిష్యత్తులో మరింత ఉన్నత స్థాయికి చేరాలని నాయకులు ఆకాంక్షించారు. ఈ కార్యక్రమంలో కాసాల బుచ్చిరెడ్డి, ఆర్ వెంకటేశ్వర్లు, నర్సింలు, నాని, మాజిత్, మల్లేశం తదితరులు పాల్గొన్నారు.