రామన్నపేట ప్రభుత్వ ఏరియా ఆసుపత్రి సూపరిండెంట్‌గా సివిల్ సర్జన్, ఎంబీబీఎస్, ఎంఎస్, ప్రసూతి వైద్య నిపుణురాలు, ఉస్మానియా గోల్డ్ మెడలిస్ట్ డాక్టర్ శ్వేత ప్రియాంక మంగళవారం పదవి బాధ్యతలు స్వీకరించారు.ఈ సందర్భంగా ఆమె మాట్లాడుతూ, ఆసుపత్రిలో వైద్యులు, వైద్య సిబ్బంది రోగులకు ఎల్లప్పుడూ అందుబాటులో ఉండి మెరుగైన వైద్య సేవలు అందించాలని సూచించారు. అందుబాటులో ఉన్న వైద్యులతో అన్ని రకాల చికిత్సలు సమర్థంగా అందించేందుకు కృషి చేస్తానన్నారు. గర్భిణీ స్త్రీలకు ప్రత్యేక శ్రద్ధతో వైద్య పరీక్షలు నిర్వహించి ప్రసూతి సేవలను మరింత మెరుగుపరుస్తామని తెలిపారు.పదవి స్వీకరణ అనంతరం వైద్యులు, వైద్య సిబ్బంది డాక్టర్ శ్వేత ప్రియాంకకు శుభాకాంక్షలు తెలుపుతూ శాలువాలతో ఘనంగా సన్మానించారు.