సూర్యాపేట జిల్లా అనంతగిరి మండలం కొత్తగూడెం గ్రామంలో మంగళవారం రాత్రి వీచిన భారీ ఈదురుగాలులు ప్రజలను భయాందోళనకు గురిచేశాయి. గాలి దుమారానికి పలువురు ఇళ్ల పైకప్పులు ఎగిరిపోవడంతో కుటుంబాలు తీవ్ర ఇబ్బందులు పడ్డాయి. కొన్ని ఇళ్లలో గృహోపకరణాలు కూడా దెబ్బతిన్నట్లు గ్రామస్తులు తెలిపారు.బాధిత కుటుంబాలకు ప్రభుత్వం తక్షణ సహాయం అందించాలని గ్రామస్తులు కోరుతున్నారు.