చిత్రపటానికి పూలమాలలు వేసి నివాళులర్పించిన చైర్‌పర్సన్, కమిషనర్

పోరాట పటిమ భావితరాలకు స్ఫూర్తిదాయకం: మోగుదాల పావని రమేష్ గౌడ్

తెలంగాణ సాయుధ పోరాట యోధోమణి, వీరనారి చాకలి ఐలమ్మ జయంతి ఉత్సవాలను చౌటుప్పల్ పురపాలక సంఘ కార్యాలయంలో శనివారం ఘనంగా నిర్వహించారు. మున్సిపల్ చైర్‌పర్సన్ మోగుదాల పావని రమేష్ గౌడ్, కమిషనర్ వెంకటేశ్వర నాయక్ ఆధ్వర్యంలో ఏర్పాటు చేసిన ఈ కార్యక్రమంలో చాకలి ఐలమ్మ చిత్రపటానికి పూలమాలలు వేసి ఘనంగా నివాళులర్పించారు.​ఈ సందర్భంగా చైర్‌పర్సన్ మాట్లాడుతూ... తెలంగాణ సాయుధ పోరాటంలో చాకలి ఐలమ్మ చూపిన ధైర్యసాహసాలు, పోరాట పటిమ భావితరాలకు ఎంతో స్ఫూర్తిదాయకమని కొనియాడారు. అనంతరం హాజరైన ప్రజాప్రతినిధులు, అధికారులు "వీరనారి చాకలి ఐలమ్మకు జోహార్లు" అంటూ నినాదాలు చేశారు.ఈ వేడుకల్లో కౌన్సిలర్లు చింతల ఉమామహేశ్వరి సాయిలు, బుడ్డ సురేష్, మహమ్మద్ హన్ను భాయ్, కో-ఆప్షన్ మెంబర్ బాబా షరీఫ్, నాయకులు దేప రాజు, ఊడుగు రమేష్, బత్తుల దాసు పాల్గొని నివాళులర్పించారు.​మున్సిపల్ మేనేజర్ శ్రీధర్ రెడ్డి, ఆర్‌ఓ అంజయ్య, సీనియర్ అసిస్టెంట్ దీప, జూనియర్ అకౌంటెంట్ మహేష్, శ్రీనాథ్, డబ్ల్యూఓ వినీల, ప్రవళిక, వార్డు ఆఫీసర్లు, బిల్ కలెక్టర్లు, కార్యాలయ సిబ్బంది పాల్గొన్నారు.