సంగారెడ్డి జిల్లా జహీరాబాద్ నియోజకవర్గ పరిధిలోని హద్నూర్ పోలీస్ స్టేషన్‌లో ఇటీవల నమోదైన స్నాచింగ్ కేసును కేవలం నాలుగు రోజుల్లోనే ఛేదించి నిందితుడిని అరెస్ట్ చేయడంతో పాటు దోచుకున్న ఆస్తిని స్వాధీనం చేసుకున్న హద్నూర్ పోలీసు బృందాన్ని శుక్రవారం జిల్లా ఎస్పీ కార్యాలయంలో ఎస్పీ అభినందించారు. కేసు దర్యాప్తులో చాకచక్యంగా వ్యవహరించి వేగవంతంగా నిందితుడిని పట్టుకున్న పోలీసు సిబ్బంది సేవలను ప్రశంసిస్తూ రివార్డు అందజేశారు. ప్రజల భద్రత, నేరాల నియంత్రణ విషయంలో పోలీసులు మరింత సమర్థవంతంగా పనిచేయాలని సూచించిన ఎస్పీ, ఇదే అంకితభావంతో విధులు నిర్వహిస్తూ ప్రజల విశ్వాసాన్ని మరింత పెంపొందించాలని కోరారు.