కలెక్టర్‌ చంద్రశేఖర్‌ మానవత్వం..

 ప్రమాదంలో కాలు కోల్పోయిన బాలికకు కృత్రిమ పాదం..

జీవనోపాధికి మూడు చక్రాల బండి మంజూరు..

​నల్గొండ : కష్టాల్లో ఉన్న వారికి నేనున్నానంటూ జిల్లా కలెక్టర్ బి. చంద్రశేఖర్ మరోసారి తన ఉదారతను చాటుకున్నారు. విధి వంచించిన ఓ చిన్నారి భవిష్యత్తుకు భరోసానిస్తూ ఆమె తండ్రికి ఆర్థిక స్వావలంబన కల్పించేందుకు తక్షణమే స్పందించారు. కనగల్ మండలం జి. చెన్నారం గ్రామానికి చెందిన చంద్రమౌళి కుమార్తె స్వాతిక (10) కొన్నాళ్ల క్రితం జరిగిన ఒక ప్రమాదంలో దురదృష్టవశాత్తూ తన కాలును కోల్పోయింది. అప్పటి నుంచి ఆ చిన్నారి పడుతున్న ఇబ్బందులు చూసి చలించిపోయిన తండ్రి, బుధవారం జిల్లా కలెక్టరేట్‌లో కలెక్టర్‌ను కలిసి తన గోడును వెళ్లబోసుకున్నారు. తన కుమార్తెకు కృత్రిమ కాలు అమర్చాలని, అలాగే కుటుంబ పోషణ నిమిత్తం తనకు ఒక మూడు చక్రాల బండిని మంజూరు చేయాలని విన్నవించారు. బాధిత తండ్రి వినతిపై కలెక్టర్ సానుకూలంగా స్పందించారు.

చిన్నారి స్వాతికకు అవసరమైన కృత్రిమ పాదాన్ని (Artificial Leg) వెంటనే ఏర్పాటు చేయాలని అధికారులను ఆదేశించారు. ఆ బాలిక తిరిగి సాధారణ స్థితికి చేరుకునేలా అన్ని రకాల వైద్య సహాయం అందిస్తామని హామీ ఇచ్చారు. అదేవిధంగా చంద్రమౌళి ఉపాధి కోసం మూడు చక్రాల బండిని మంజూరు చేస్తున్నట్లు ప్రకటించారు.ప్రభుత్వం ఎల్లప్పుడూ నిరుపేదలకు నిస్సహాయులకు అండగా ఉంటుంది. ముఖ్యంగా దివ్యాంగులకు చేయూతనివ్వడంలో జిల్లా యంత్రాంగం ప్రత్యేక ప్రాధాన్యత ఇస్తుంది. స్వాతిక భవిష్యత్తుకు ఎటువంటి ఆటంకం కలగకుండా అన్ని చర్యలు తీసుకుంటామన్నారు.​కలెక్టర్ చూపిన చొరవ పట్ల స్వాతిక కుటుంబ సభ్యులు మరియు గ్రామస్తులు హర్షం వ్యక్తం చేస్తున్నారు. తమ కష్టాన్ని గుర్తించి తక్షణమే స్పందించిన కలెక్టర్‌కు వారు కృతజ్ఞతలు తెలిపారు.