నారాయణఖేడ్ నియోజకవర్గంలోని మానూర్ మండలం బోరంచ గ్రామంలోని జిల్లా పరిషత్ ఉన్నత పాఠశాలలో మంగళవారం పాఠశాల ప్రధానోపాధ్యాయులు శివకుమార్ స్వామి,ఉపాధ్యాయుల బృందం ఆధ్వర్యంలో ‘ఏక్ పెడ్ మా కే నామ్’ మెగా ప్లాంటేషన్ కార్యక్రమం–2026 నిర్వహించారు. ఈ సందర్భంగా పాఠశాల ఆవరణలో ఉపాధ్యాయులు, విద్యార్థులు కలిసి వివిధ రకాల మొక్కలను నాటారు. అనంతరం మొక్కల సంరక్షణ, పర్యావరణ పరిరక్షణ ప్రాధాన్యతపై విద్యార్థులకు అవగాహన కల్పించారు. పర్యావరణాన్ని కాపాడేందుకు ప్రతి ఒక్కరూ మొక్కలు నాటి వాటిని బాధ్యతగా సంరక్షించాలని ఉపాధ్యాయులు సూచించారు. మొక్కలు పెంచడం ద్వారా పచ్చదనం అభివృద్ధి చెందడంతో పాటు భవిష్యత్ తరాలకు ఆరోగ్యకరమైన వాతావరణం అందుతుందని తెలిపారు. పాఠశాల ఆవరణను పచ్చదనంతో నింపేందుకు విద్యార్థులు, ఉపాధ్యాయులు కలిసి కృషి చేయాలని పిలుపునిచ్చారు.ఈ కార్యక్రమంలో పాఠశాల ఉపాధ్యాయులు, విద్యార్థులు పాల్గొన్నారు.