నారాయణఖేడ్ నియోజకవర్గంలోని మానూర్ మండలం పరిధిలోని బోరంచ గ్రామంలో శుక్రవారం శ్రీరామ నవమి పర్వదినాన్ని గ్రామ ప్రజలు అత్యంత భక్తిశ్రద్ధలతో, వైభవంగా నిర్వహించారు. ఈ సందర్భంగా గ్రామంలో ప్రత్యేక పూజలు, భజనలు,రాముని కళ్యాణోత్సవ కార్యక్రమాలు నిర్వహించి భక్తులను ఆకట్టుకున్నారు.ఉదయం నుంచే ఆలయ ప్రాంగణం భక్తులతో కిక్కిరిసిపోయి పండుగ వాతావరణం నెలకొంది. గ్రామ పెద్దలు గ్రామస్తులు యువత యువకులు ఆధ్వర్యంలో ఏర్పాట్లు సక్రమంగా జరిగాయి.ఈ కార్యక్రమంలో గ్రామ సర్పంచ్ పంచగామ బీరప్ప,గ్రామ పెద్దలు మూన్నూర్ విఠల్, ఇతర గ్రామ పెద్దలు, మహిళలు, యువత, యువకులు పెద్ద సంఖ్యలో పాల్గొని భక్తి గీతాలు ఆలపిస్తూ శ్రీరాముని ఆశీస్సులు పొందారు. అనంతరం అన్నదానం నిర్వహించి గ్రామ ప్రజలకు ప్రసాదం పంపిణీ చేశారు. గ్రామస్తులంతా ఐక్యంగా కలిసి పండుగను జరుపుకోవడం ఆనందదాయకంగా మారింది. ఈ వేడుకలు గ్రామంలో ఆధ్యాత్మిక ఉత్సాహాన్ని మరింత పెంచాయి.