భువనగిరి, సెప్టెంబర్ 26:

బడ్జెట్ స్కూల్స్ మేనేజ్‌మెంట్ అసోసియేషన్ ఆఫ్ తెలంగాణ (బి స్మాట్) భువనగిరి పట్టణ కమిటీని శనివారం ఎన్నుకున్నారు. రాష్ట్ర వర్కింగ్ ప్రెసిడెంట్ డాక్టర్ పగిడాల జలంధర్‌రెడ్డి ఆధ్వర్యంలో జరిగిన కార్యక్రమంలో పట్టణ అధ్యక్షుడిగా శ్రీచైతన్య టెక్నో స్కూల్స్ కరస్పాండెంట్ గాదె శౌరెడ్డి, ప్రధాన కార్యదర్శిగా ఇండియన్ మిషన్ స్కూల్ ఇన్‌చార్జి బెజవాడ క్లైమెంట్ ఎన్నికయ్యారు.

నూతనంగా ఎన్నికైన వారికి నియామక పత్రాలను అందజేసి, శాలువాలతో సన్మానించి శుభాకాంక్షలు తెలిపారు. బడ్జెట్ పాఠశాలల సమస్యల పరిష్కారానికి సంఘం తరఫున సమష్టిగా కృషి చేయాలని ఈ సందర్భంగా సూచించారు.

కార్యక్రమంలో బి స్మాట్ యాదాద్రి భువనగిరి జిల్లా మహిళా అధ్యక్షురాలు తీగల జయలక్ష్మి, జిల్లా కోశాధికారి సింగిరెడ్డి ప్రభాకర్‌రెడ్డి, జిల్లా మహిళా ప్రధాన కార్యదర్శి అబోతుల కీర్తి, సభ్యులు మిర్యాల విద్యాసాగర్, పగిడాల పురేందర్‌రెడ్డి, నల్ల సత్యనారాయణరెడ్డి, గోపాగోని రవిగౌడ్ తదితరులు పాల్గొన్నారు.