రామన్నపేట, సెప్టెంబర్ 22 (స్థానికం ప్రతినిధి): తెలంగాణ ప్రభుత్వం ఆదేశాల మేరకు రామన్నపేట మండలం నిదానపల్లి గ్రామంలో కొనసాగుతున్న భూ సర్వే పనులను మంగళవారం తహసీల్దార్ లాల్ బహదూర్ పరిశీలించారు. ఈ సందర్భంగా సర్వే అధికారులతో మాట్లాడి భూముల హద్దుల నిర్ధారణ ప్రక్రియను పారదర్శకంగా, పకడ్బందీగా నిర్వహించాలని సూచించారు. క్షేత్రస్థాయిలో భూముల హద్దులను పరిశీలించి, సంబంధిత వివరాలను సక్రమంగా నమోదు చేయాలని సర్వే సిబ్బందికి ఆదేశించారు.

కార్యక్రమంలో సర్పంచ్ నారాపాక మాధవి యాదయ్య, సర్వేయర్ సోనీ, జూనియర్ అసిస్టెంట్ సుగుణాకర్, జీపీఓ లక్ష్మీదేవి, లైసెన్సుడ్ సర్వేయర్ నవీన్, వార్డు సభ్యులు వంగల పూజ, బాషా మల్ల అనిత, గ్రామ రైతులు తదితరులు పాల్గొన్నారు.