ఆలేరు ఎస్‌బీఐలో కలకలం.. సిబ్బందిపై అనుమానాలు.

యాదాద్రి: బ్యాంకు లాకర్‌లో భద్రపరిచిన బంగారు నగలు మాయమైన ఘటన ఆలేరు పట్టణంలోని ఎస్‌బీఐ బ్యాంకులో కలకలం రేపింది. ఆలేరు మండలం గుండ్లగూడెం గ్రామానికి చెందిన వృద్ధ దంపతులు తమ బంగారు నగలను బ్యాంకు లాకర్‌లో భద్రపరచుకోగా.. అవి కనిపించడం లేదంటూ బ్యాంకు మేనేజర్‌ ఫోన్‌ చేయడంతో విషయం వెలుగులోకి వచ్చింది.పిల్లలు లేకపోవడంతో తమ వద్ద ఉన్న బంగారు ఆభరణాలకు భద్రత ఉంటుందనే ఉద్దేశంతో దంపతులు బ్యాంకు లాకర్‌లో భద్రపరిచినట్లు తెలుస్తోంది. అయితే లాకర్‌లో బంగారం కనిపించడం లేదని బ్యాంకు మేనేజర్‌ సమాచారం ఇవ్వడంతో వృద్ధ దంపతులు ఆందోళనకు గురయ్యారు.