శ్రీ గురు సంకల్పం విద్యాసంస్థలో శనివారం బాలల దినోత్సవ వేడుకలు అత్యంత ఉత్సాహంగా, ఘనంగా జరిగాయి. ఈ కార్యక్రమానికి సంస్థ ప్రెసిడెంట్ ఎస్. సుబ్బలక్ష్మి ముఖ్య అతిథిగా హాజరై జ్యోతి ప్రజ్వలన చేసి వేడుకలను ప్రారంభించారు. ఈ సందర్భంగా ఆమె మాట్లాడుతూ, నేటి బాలలే రేపటి పౌరులని, విద్యార్థులు చదువుతో పాటు క్రమశిక్షణ, సృజనాత్మకతను అలవర్చుకోవాలని సూచించారు.

ఈ వేడుకల్లో సంస్థ ప్రతినిధులు నీలోఫర్, ఉమా రాణి భార్గవ, ఇందిరా రావు తదితరులు పాల్గొని విద్యార్థులను ఉద్దేశించి ప్రసంగించారు. ఈ కార్యక్రమంలో వినోద్ తో పాటు సంస్థ ఉపాధ్యాయ బృందం, విద్యార్థులు పెద్ద సంఖ్యలో పాల్గొని వేడుకలను విజయవంతం చేశారు. అనంతరం చిన్నారులు ప్రదర్శించిన సాంస్కృతిక కార్యక్రమాలు ఆహుతులను విశేషంగా ఆకట్టుకున్నాయి.