ఆరెగూడెం గ్రామంలో శ్రీ సీతారామచంద్రస్వామి కళ్యాణ మహోత్సవం శుక్రవారం అంగరంగ వైభవంగా జరిగింది. గ్రామపంచాయతీ ఆధ్వర్యంలో నిర్వహించిన ఈ పుణ్య కార్యక్రమానికి భక్తులు పెద్ద సంఖ్యలో హాజరై భక్తిశ్రద్ధలతో పాల్గొన్నారు.ఈ సందర్భంగా గ్రామ సర్పంచ్ నాగంపల్లి శ్యామ్ సుందర్ స్వామివారికి పట్టు వస్త్రాలను సమర్పించి ప్రత్యేక పూజలు నిర్వహించారు. కార్యక్రమం భక్తి భావంతో సాగి గ్రామంలో ఆధ్యాత్మిక వాతావరణాన్ని నెలకొల్పింది.ఈ వేడుకల్లో ఉప సర్పంచ్ జుంజి రాజు, వార్డ్ మెంబర్లు, గ్రామ పెద్దలు, మహిళలు, యువతతో పాటు అనేక మంది భక్తులు పాల్గొన్నారు. గ్రామ ప్రజల సహకారంతో కార్యక్రమం విజయవంతంగా పూర్తయింది.