హైదరాబాద్, : ప్రభుత్వాన్ని ప్రశ్నించిన ఆర్టీసీ డ్రైవర్ అశోక్‌పై చర్యలు తీసుకోవడం సరికాదని మాజీ మంత్రి, బీఆర్ఎస్ పార్టీ ప్రధాన కార్యదర్శి జీవన్‌రెడ్డి పేర్కొన్నారు. డ్రైవర్ అశోక్ కుటుంబానికి బీఆర్ఎస్ పార్టీ అండగా ఉంటుందని తెలిపారు.

అశోక్‌ను తిరిగి విధుల్లోకి తీసుకోకపోతే వచ్చే రెండేళ్ల పాటు అతని కుటుంబ పోషణ బాధ్యతను బీఆర్ఎస్ పార్టీ తీసుకుంటుందని స్పష్టం చేశారు. అలాగే బీఆర్ఎస్ తిరిగి అధికారంలోకి వచ్చిన వెంటనే ప్రస్తుతం తాత్కాలిక డ్రైవర్‌గా పనిచేస్తున్న అశోక్‌ను పర్మినెంట్ డ్రైవర్‌గా నియమిస్తామని హామీ ఇచ్చారు.

ప్రభుత్వ ఉద్యోగులు, కార్మికులు తమ సమస్యలపై మాట్లాడే హక్కు కలిగి ఉన్నారని, వారిపై కక్షసాధింపు చర్యలు తగవని జీవన్‌రెడ్డి వ్యాఖ్యానించారు.