కోదాడ మున్సిపాలిటీ పరిధిలో ఇందిరమ్మ ఇళ్ల పథకం కింద మొదటి విడతగా మంజూరైన 210 మంది లబ్ధిదారులకు మంజూరు పత్రాలను, శుక్రవారం కోదాడ ఎమ్మెల్యే పద్మావతి రెడ్డి కోదాడ ఎమ్మెల్యే క్యాంప్ కార్యాలయంలో వార్డుల వారీగా పంపిణీ చేశారు.ఈ సందర్భంగా ఎమ్మెల్యే పద్మావతి రెడ్డి మాట్లాడుతూ... అర్హులైన పేద,మధ్యతరగతి కుటుంబాలకు సొంత ఇంటి కలను సాకారం చేయాలనే లక్ష్యంతో ఇందిరమ్మ ఇళ్ల పథకాన్ని ప్రభుత్వం అమలు చేస్తోందన్నారు.అర్హత కలిగిన ప్రతి కుటుంబానికి ప్రభుత్వ పథకాల ప్రయోజనాలు అందేలా కృషి చేస్తామని తెలిపారు. కోదాడ మున్సిపాలిటీ పరిధిలో మొదటి విడతగా మొత్తం 210 ఇళ్లకు మంజూరు పత్రాలు అందజేయగా,అందులో 198 సాధారణ కేటగిరీ ఇళ్లు, 12 ప్రత్యేక కేటగిరీ ఇళ్లు ఉన్నాయని తెలిపారు.ఈ కార్యక్రమంలో సంబంధిత అధికారులు, ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, లబ్ధిదారులు తదితరులు పాల్గొన్నారు.