వెంకటయ్య గౌడ్‌కు రూ.10 వేల ఆర్థిక సాయం

కష్టాల్లో ఉన్న స్వజాతి సోదరుడికి చౌటుప్పల్ గౌడ సంఘం అండగా నిలిచింది. అనారోగ్యంతో బాధపడుతున్న మాజీ ముస్తదారీ ఉష్కాగుల వెంకటయ్య గౌడ్‌ను బుధవారం ఉదయం గౌడ సంఘం నాయకులు పరామర్శించారు. ఆయన ఆరోగ్య పరిస్థితిని అడిగి తెలుసుకున్న అనంతరం, వైద్య ఖర్చుల నిమిత్తం సంఘం తరపున రూ.10,000/- ఆర్థిక సాయాన్ని అందజేశారు.​ఈ సందర్భంగా గౌడ సంఘం అధ్యక్షులు చింతకింది అంజయ్య గౌడ్ మాట్లాడుతూ.. తోటి గౌడ సోదరులు ఆపదలో ఉన్నప్పుడు ఆదుకోవడం తమ బాధ్యతని అన్నారు. ఈ కార్యక్రమంలో ప్రధాన కార్యదర్శి తోర్పునూరి వెంకటేష్ గౌడ్, నాయకులు బత్తుల లక్ష్మయ్య గౌడ్, చెవగొని వెంకటేష్ గౌడ్, మునుకుంట్ల సత్యనారాయణ గౌడ్, తోర్పునూరి మల్లేష్ గౌడ్, ఉష్కాగుల శ్రీశైలం గౌడ్, పాలకుర్ల స్వామి గౌడ్, మారుపాకల సైదులు గౌడ్, తోర్పునూరి చంద్రయ్య గౌడ్ తదితరులు పాల్గొన్నారు.