ఆలేరు మున్సిపాలిటీ పరిధిలో ఆస్తి పన్ను బకాయిదారులకు ఇటీవల జారీ చేసిన రెడ్ నోటీసులకు మంచి స్పందన లభిస్తోంది.నోటీసులు అందుకున్న బాధితులు వెంటనే స్పందించి తమ బకాయి ఆస్తి పన్నులను చెల్లిస్తున్నారు.ఈ క్రమంలో గురువారం 9వ వార్డుకు చెందిన ఎస్ కన్వెన్షన్ ఫంక్షన్ హాల్ యాజమాన్యం తమ ఆస్తి పన్ను బకాయిని పూర్తిగా చెల్లించడం జరిగింది.మున్సిపాలిటీ చేపట్టిన ఈ ప్రత్యేక డ్రైవ్ వల్ల పన్ను వసూళ్లు వేగవంతమవుతున్నాయి.ప్రజల్లో బాధ్యతా భావం పెరిగి స్వచ్ఛందంగా పన్నులు చెల్లించేందుకు ముందుకు రావడం విశేషం.ఇట్టి కార్యక్రమానికి సహకరించిన ప్రింట్ మరియు ఎలక్ట్రానిక్ మీడియా ప్రతినిధులకు మున్సిపల్ అధికారులు ప్రత్యేకంగా ధన్యవాదాలు తెలిపారు.మిగతా బకాయిదారులు కూడా ఆలస్యం చేయకుండా వెంటనే తమ ఆస్తి పన్నులను చెల్లించాలని మున్సిపల్ అధికారులు విజ్ఞప్తి చేశారు.