తుని నుంచి బహదూర్‌పుర్‌కు తరలిస్తుండగా పట్టుకున్న చౌటుప్పల్

బజరంగ్‌దళ్ కార్యకర్తలు

చౌటుప్పల్ పోలీసులకు అప్పగింత

ఆంధ్రప్రదేశ్ పరిధిలోని తుని నుంచి హైదరాబాద్ బహదూర్‌పుర్‌కు చట్టవిరుద్ధంగా తరలిస్తున్న గోవులను, నందిమారాజులను బజరంగ్‌దళ్ కార్యకర్తలు చాకచక్యంగా పట్టుకున్నారు.వివరాల్లోకి వెళ్తే... తుని నుంచి ఓ వాహనంలో 7 గోవులు, 3 నందిమారాజులను క్రూరమైన రీతిలో కట్టేసి బహదూర్‌పుర్‌కు తరలిస్తున్నారు. ఈ సమాచారం అందుకున్న చౌటుప్పల్ బజరంగ్‌దళ్ కార్యకర్తలు యాదాద్రి భువనగిరి జిల్లా చౌటుప్పల్ కేంద్ర సమీపంలోని లక్కారం వద్ద వాహనాన్ని అడ్డుకున్నారు. వాహనంలో మూగజీవాలను అక్రమంగా రవాణా చేస్తున్నట్లు గుర్తించి, వెంటనే వాటిని స్వాధీనం చేసుకున్నారు.అనంతరం వాహనంతో సహా జీవాలను చౌటుప్పల్ పోలీసులకు అప్పగించారు. ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు.