టాటా ఏస్ వాహనం, 14 సిలిండర్లు స్వాధీనం

అక్రమంగా గ్యాస్ సిలిండర్లను భద్రపరిచి, బ్లాక్ మార్కెట్‌లో అధిక ధరలకు విక్రయిస్తున్న ఒక వ్యక్తిపై చౌటుప్పల్ పోలీసులు కేసు నమోదు చేశారు. ​పోలీసులు తెలిపిన వివరాల ప్రకారం... శుక్రవారం మధ్యాహ్నం 12 గంటల సమయంలో లభించిన నమ్మదగిన సమాచారం మేరకు చౌటుప్పల్ పోలీసు సబ్-ఇన్‌స్పెక్టర్/హెడ్ కానిస్టేబుల్ ఏ. సైదయ్య తమ సిబ్బందితో కలసి కొయ్యలగూడెం గ్రామంలో ఆకస్మిక దాడి (రైడ్) నిర్వహించారు.​ఈ దాడిలో కొయ్యలగూడెం గ్రామానికి చెందిన జబ్బారం గుజర్ (25, తండ్రి: అందారామ్, వృత్తి: వ్యాపారం) అనే వ్యక్తి అక్రమంగా గ్యాస్ సిలిండర్లను నిల్వ ఉంచి, అధిక ధరలకు అమ్ముతున్నట్లు గుర్తించారు. సంఘటనా స్థలంలో ఉన్న టాటా ఏస్ వాహనం (నెంబర్: TG 30T 3321) నుంచి​10 నిండిన పెద్ద ఇండియన్ గ్యాస్ సిలిండర్లు, ​2 నిండిన పెద్ద భారత్ గ్యాస్ సిలిండర్లు, ​2 చిన్న ఖాళీ గ్యాస్ సిలిండర్లు,ఒక పెద్ద ఇనుప రెగ్యులేటర్​లను పోలీసులు స్వాధీనం చేసుకున్నారు.​ఈ మేరకు నిందితుడిపై కేసు నమోదు చేసి, దర్యాప్తు ప్రారంభించినట్లు చౌటుప్పల్ ఇన్‌స్పెక్టర్ ఆఫ్ పోలీస్ జి. మన్మథ కుమార్ తెలిపారు. అక్రమంగా గ్యాస్ సిలిండర్లను నిల్వ చేసినా, బ్లాక్ మార్కెట్‌లో విక్రయించినా చట్టపరమైన తీవ్ర చర్యలు ఉంటాయని ఈ సందర్భంగా హెచ్చరించారు.