చిట్యాల: మున్సిపాలిటీ పరిధిలోని 9వ వార్డులో రామదండు యువసేన ఆధ్వర్యంలో నిర్వహించిన గణేష్ నవరాత్రి ఉత్సవాలు ఘనంగా ముగిశాయి. ఉత్సవాల్లో భాగంగా బుధవారం గణనాథుడి నిమజ్జనోత్సవాన్ని భక్తిశ్రద్ధలతో నిర్వహించారు. ఈ సందర్భంగా సాయికుమార్–స్పందన దంపతుల ఆధ్వర్యంలో భక్తులకు పులిహోర ప్రసాదాన్ని పంపిణీ చేశారు.

ఈ సందర్భంగా వారు మాట్లాడుతూ.. వినాయక చవితి ఉత్సవాలను ప్రజలంతా ఐక్యతతో, భక్తిశ్రద్ధలతో నిర్వహించడం అభినందనీయమన్నారు. గణనాథుడి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. కార్యక్రమంలో రామదండు యువసేన సభ్యులు, 9వ వార్డు ప్రజలు, భక్తులు పెద్ద సంఖ్యలో పాల్గొన్నారు.