పటాన్‌చెరులో ఐసీడీఎస్ ఆధ్వర్యంలో గ్రాడ్యుయేషన్ డే వేడుకలు ఘనంగా నిర్వహించారు. ఈ కార్యక్రమంలో చిన్నారులు ప్రత్యేక గ్రాడ్యుయేషన్ దుస్తులు ధరించి ఉత్సాహంగా పాల్గొని ఆకట్టుకున్నారు. జిల్లా సంక్షేమ అధికారి లలితా కుమారి, ఎమ్మెల్యే సతీమణి గూడం యాదమ్మ ముఖ్య అతిథులుగా హాజరై చిన్నారులకు గ్రాడ్యుయేషన్ సర్టిఫికెట్లు అందజేసి అభినందించారు. అంగన్‌వాడీ కేంద్రాల్లో చిన్నారులకు అందిస్తున్న ప్రాథమిక విద్య, సంస్కారాలు, ఆరోగ్య పరిరక్షణ వారి భవిష్యత్తుకు బలమైన పునాది అవుతాయని వారు పేర్కొన్నారు. చిన్నారుల ప్రతిభను వెలికితీసే ఇటువంటి కార్యక్రమాలు వారి ఆత్మవిశ్వాసాన్ని పెంచడమే కాకుండా తల్లిదండ్రుల్లోనూ విద్యపై మరింత అవగాహన కల్పిస్తాయని తెలిపారు. ఈ వేడుకలో అంగన్‌వాడీ సిబ్బంది, తల్లిదండ్రులు, ప్రజాప్రతినిధులు పాల్గొని చిన్నారులను ప్రోత్సహించారు.