ముగ్గురికి గాయాలు.. 36 మంది ప్రయాణికులు.

మోతె: హైదరాబాద్‌ నుంచి విశాఖపట్నం వెళ్తున్న ప్రైవేట్‌ ట్రావెల్స్‌ బస్సు అదుపుతప్పి బోల్తాపడింది. ఈ ఘటన మోతె మండలం హుస్సేనాబాద్‌ గ్రామ శివారులో హెచ్‌పీ పెట్రోల్‌ బంక్‌ సమీపంలో చోటుచేసుకుంది. డ్రైవర్‌ నిర్లక్ష్యంగా బస్సును నడపడంతో అదుపుతప్పి రహదారి పక్కకు దూసుకెళ్లి బోల్తాపడినట్లు పోలీసులు తెలిపారు.

పోలీసుల వివరాల ప్రకారం.. NL 01 B 5579 నంబర్‌ గల మైత్రి ట్రావెల్స్‌ బస్సులో సుమారు 36 మంది ప్రయాణికులు ఉన్నారు. ప్రమాదంలో ముగ్గురికి గాయాలయ్యాయి.

సమాచారం అందుకున్న పోలీసులు, స్థానికులు క్షతగాత్రులను అంబులెన్స్‌లో సూర్యాపేట ప్రభుత్వ ఆసుపత్రికి తరలించారు. అక్కడ వారికి చికిత్స అందిస్తున్నారు. ఘటనపై పోలీసులు దర్యాప్తు చేపట్టారు. ప్రమాదానికి సంబంధించిన పూర్తి వివరాలు తెలియాల్సి ఉంది.