బంగారు గొలుసు, ఐఫోన్‌ను తండ్రికి అప్పగించి మానవత్వం చాటుకున్న సిబ్బంది

మేడ్చల్‌ జిల్లా: మైసమ్మగూడలోని డీఆర్‌ఎస్‌ ఇంటర్నేషనల్‌ స్కూల్‌ సమీపంలో బైక్‌ అదుపుతప్పి జరిగిన ప్రమాదంలో వై. శ్రీలిఖిత్‌ (26) తీవ్రంగా గాయపడ్డాడు. సమాచారం అందుకున్న 108 అంబులెన్స్‌ సిబ్బంది వెంటనే ఘటనా స్థలానికి చేరుకుని, క్షతగాత్రుడిని సమీపంలోని ఆస్పత్రికి తరలించి సకాలంలో చికిత్స అందేలా చర్యలు తీసుకున్నారు.

ప్రమాద సమయంలో లిఖిత్‌ వద్ద ఉన్న తులం బంగారు గొలుసు, ఐఫోన్‌ను భద్రంగా ఉంచి అతని తండ్రి మనోజ్‌కుమార్‌రావుకు 108 సిబ్బంది అప్పగించారు. విధి నిర్వహణలో బాధ్యతతో పాటు మానవత్వాన్ని చాటుకున్న ఈఎంటీ రాజ్‌కుమార్‌, పైలట్‌ కళ్యాణ్‌ను పలువురు అభినందించారు.