సంగారెడ్డి ఎమ్మెల్యే చింత ప్రభాకర్ జన్మదిన వేడుకలు ఘనంగా నిర్వహించబడ్డాయి. సంగారెడ్డి జిల్లా కేంద్రంలోని క్యాంపు కార్యాలయం వద్ద పండుగ వాతావరణం నెలకొనగా, పట్టణం అంతటా ఫ్లెక్సీలు, బ్యానర్లు ఏర్పాటు చేసి కార్యకర్తలు, అభిమానులు సందడి చేశారు. వివిధ మండలాల నుంచి వచ్చిన పార్టీ నాయకులు, కార్యకర్తలు క్రేన్లతో గజమాలలు వేసి, శాలువాలతో సత్కరించి జన్మదిన శుభాకాంక్షలు తెలిపారు. అనంతరం భారీ కేక్ కట్ చేసి వేడుకలను ఉత్సాహంగా జరిపారు. ఈ సందర్భంగా 13వ వార్డు సభ్యుల ఆధ్వర్యంలో రక్తదాన శిబిరం నిర్వహించగా, ఎమ్మెల్యే శిబిరాన్ని సందర్శించి రక్తదాతలను అభినందించి ధృవపత్రాలు అందజేశారు. అనంతరం అన్నదాన కార్యక్రమం నిర్వహించారు. ప్రత్యక్షంగా మరియు సామాజిక మాధ్యమాల ద్వారా శుభాకాంక్షలు తెలిపిన ప్రతి ఒక్కరికి ఎమ్మెల్యే హృదయపూర్వక కృతజ్ఞతలు తెలిపారు. ఈ కార్యక్రమంలో పార్టీ నాయకులు, కార్యకర్తలు, అభిమానులు, ప్రజలు పెద్ద సంఖ్యలో పాల్గొని వేడుకలను విజయవంతం చేశారు.