ఆలేరు:భారత రాజ్యాంగ శిల్పి,మహానీయ సామాజిక విప్లవకారుడు డాక్టర్ బి.ఆర్.అంబేద్కర్ 135వ జయంతి సందర్భంగా ఆలేరు పట్టణంలో స్థానిక ఫ్రెండ్స్ క్లబ్ ఆధ్వర్యంలో ఘనంగా వేడుకలు నిర్వహించారు.క్లబ్ అధ్యక్షులు పూల నాగయ్య అధ్యక్షతన జరిగిన ఈ కార్యక్రమం ఉత్సాహభరితంగా సాగింది.ఈ కార్యక్రమానికి ఆలేరు శాసనసభ్యులు,ప్రభుత్వ విప్ బీర్ల ఐలయ్య ముఖ్య అతిథిగా హాజరై అంబేద్కర్ చిత్రపటానికి పూలమాలవేసి ఘన నివాళులు అర్పించారు.అనంతరం మాట్లాడిన వారు “అంబేద్కర్ హమారేహే” అంటూ నినాదాలు చేస్తూ ఆయన ఆశయాలను సాధించేందుకు కట్టుబడి పనిచేయాలని పిలుపునిచ్చారు.ఈ సందర్భంగా క్లబ్ సహాయ కార్యదర్శి,జాతీయ క్రీడాకారుడు పూల చంద్రకుమార్ పుట్టినరోజును పురస్కరించుకొని ఎమ్మెల్యే చేతుల మీదుగా కేకు కట్ చేయించి శాలువతో ఘనంగా సత్కరించారు.అలాగే క్లబ్ తరఫున చైర్మన్‌లు,కౌన్సిలర్లు,ఇతర అతిథులను కూడా ఎమ్మెల్యే చేతుల మీదుగా శాలువాలతో సత్కరించడం జరిగింది.ఈ కార్యక్రమంలో మార్కెట్ కమిటీ చైర్మన్ చైతన్య మహేందర్ రెడ్డి,ఆలేరు మున్సిపల్ చైర్మన్ బిజినీ బాలమణి భాస్కర్,టీసీసీ కార్యదర్శి జనగాం ఉపేందర్ రెడ్డి,ఉపాధ్యాయ రాష్ట్ర నాయకులు మంద సోమరాజు,మున్సిపల్ కౌన్సిలర్ మరియమ్మ మార్క,యాట శివ,పస్తం ఆంజనేయులు,మల్లెల శ్రీకాంత్,జూకంటి సంపత్,కాంగ్రెస్ నాయకులు ఎండి.ఎజాజ్,కట్టె కొమ్ముల సాగర్ రెడ్డి,మాజీ ఎంపీపీ అశోక్,మాజీ ఎంపీటీసీలు పిక్క శ్రీను,ఆరె ప్రశాంత్,క్లబ్ సభ్యులు పూల సూర్య కుమార్,అనిల్,రాహుల్ తేజ,రవికుమార్ తదితరులు పాల్గొన్నారు.