నారాయణఖేడ్ స్థానికం ప్రతినిధి కృష్ణ

నారాయణఖేడ్ మున్సిపాలిటీలో జరుగుతున్న మున్సిపల్ ఎన్నికల సందర్భంగా కాంగ్రెస్ పార్టీ తరఫున 8వ వార్డుకు జహీరాబాద్ పార్లమెంట్ సభ్యులు సురేష్ కుమార్ షేట్కార్ సహకారంతో కౌన్సిలర్ అభ్యర్థిగా మాజీ ఉమ్మడి జిల్లా ప్రణాళిక సంఘం సభ్యులు నాగేష్ షేట్కార్ ఈరోజు (గురువారం) అధికారికంగా తమ నామినేషన్ పత్రాలను దాఖలు చేశారు.ఈ సందర్భంగా నాగేష్ షేట్కార్ మాట్లాడుతూ, కాంగ్రెస్ పార్టీ అధిష్ఠానం ఇచ్చిన ఆదేశాలు, సూచనల మేరకు తాను నామినేషన్ దాఖలు చేసినట్లు తెలిపారు. ప్రజల విశ్వాసాన్ని నిలబెట్టుకుంటూ, పార్టీ బలోపేతానికి నిరంతరం కృషి చేస్తానని పేర్కొన్నారు. అలాగే 8వ వార్డులోని ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి అంకితభావంతో పనిచేస్తానని స్పష్టం చేశారు.నగర అభివృద్ధి, మౌలిక సదుపాయాల మెరుగుదల, ప్రజల అవసరాలకు ప్రాధాన్యం ఇవ్వడమే తన ప్రధాన లక్ష్యమని నాగేష్ షేట్కార్ తెలిపారు. కాంగ్రెస్ పార్టీ విధానాలు, సంక్షేమ కార్యక్రమాలను ప్రజల వద్దకు తీసుకెళ్లేందుకు కృషి చేస్తానని ఆయన అన్నారు.ఈ నామినేషన్ కార్యక్రమంలో పీసీసీ సభ్యులు కే. శ్రీనివాస్ గారితో పాటు కాంగ్రెస్ పార్టీ నాయకులు, కార్యకర్తలు, అభిమానులు పాల్గొని నాగేష్ షేట్కార్ సంఘీభావం తెలిపారు.8వ వార్డులో కాంగ్రెస్ పార్టీ తరఫున బలమైన పోటీ ఉండనుందని స్థానికంగా చర్చ జరుగుతోంది.