నారాయణఖేడ్ మున్సిపల్ ఎన్నికల్లో 12వ వార్డులో పోటీ చేసిన కాంగ్రెస్ అభ్యర్థి షారుక్ ఖాన్ బీఆర్‌ఎస్ పార్టీ అభ్యర్థిపై 185 ఓట్ల మెజారిటీతో విజయం సాధించారు. ఈ విజయం పార్టీ శ్రేణుల్లో ఉత్సాహం నింపింది మరియు పార్టీ కార్యకర్తలను,అభిమానులను ఎంతో ఆనందపరిచింది.ఈ సందర్భంగా కార్యకర్తలు బాణసంచాలు కాల్చి, ఘనంగా సంబరాలు జరుపుకున్నారు. షారుక్ ఖాన్ తనపై నమ్మకం ఉంచిన ప్రతి ఓటర్‌కు కృతజ్ఞతలు తెలిపారు. ప్రజల ఆశీర్వాదంతో సాధించిన ఈ విజయం తన బాధ్యతను మరింత పెంచిందని, వార్డు అభివృద్ధి కోసం శక్తివంచన లేకుండా కృషి చేస్తానని హామీ ఇచ్చారు.తన ప్రధాన లక్ష్యం ప్రజల సమస్యలను దగ్గరగా తెలుసుకుని వాటికి సమర్ధమైన పరిష్కారం అందించడం, మౌలిక వసతులు, పారిశుధ్యం, రహదారులు, తాగునీరు, విద్య, ఆరోగ్యం వంటి రంగాల్లో ప్రత్యేక దృష్టి సారించడం అని తెలిపారు.ఈ విజయం ద్వారా నారాయణఖేడ్ 12వ వార్డు ప్రజలు కాంగ్రెస్ పార్టీపై చూపిన విశ్వాసం స్పష్టమైంది. ప్రజల సహకారంతో వార్డు అభివృద్ధి కోసం మరింత కృషి చేస్తానని షారుక్ ఖాన్ చెప్పారు.