సదాశివాపేట మండల పరిధిలోని గాల తంగేడుపల్లి గ్రామ శివారులో గల గంగాధర్ స్వామి మఠం, జంగమ్మయ్య గుట్టలో ఉన్న గాల కోటిబిళవ లింగేశ్వర్ ఆలయంలో పీఠాధిపతి 108 శ్రీ శ్రీ శ్రీ శివయోగి శివచార్య స్వాముల వారి 31వ జన్మదిన వేడుకలు ఘనంగా నిర్వహించబడ్డాయి.ఈ సందర్భంగా ఆలయంలో ప్రత్యేక పూజలు,అభిషేకాలు నిర్వహించి,భక్తులు భారీగా హాజరై స్వామివారిని దర్శించుకుని ఆశీర్వాదాలు పొందారు.ఈ వేడుకల్లో నారాయణఖేడ్ నియోజకవర్గ యూత్ కాంగ్రెస్ ఉపాధ్యక్షులు శివకాంత్ పటేల్, తొర్నల్ గ్రామ సర్పంచ్ సంగమేష్ పటేల్, దుదగొండ ఉప సర్పంచ్ అనిల్ పటేల్, అలాగే అరుణ్ తదితర నాయకులు పాల్గొన్నారు. స్వామివారికి శేష వస్త్రం సమర్పించి, పూలమాలతో ఘనంగా సన్మానించారు.ఈ సందర్భంగా నాయకులు స్వామివారి ఆశీస్సులు తీసుకుని, ప్రజల శ్రేయస్సు, ప్రాంత అభివృద్ధి కోసం తమ కృషి కొనసాగుతుందని తెలిపారు. కార్యక్రమంలో స్థానిక భక్తులు, గ్రామస్తులు పెద్ద ఎత్తున పాల్గొని వేడుకలను విజయవంతం చేశారు.