హుడా పార్క్‌లో కుంగ్ ఫు బెల్ట్ అప్‌గ్రేడేషన్ విజయవంతం

స్థానికం ప్రతినిధి

షావోలిన్ టైగర్స్ కుంగ్ ఫు ఇంటర్నేషనల్ ఆధ్వర్యంలో మాస్టర్ కన్నన్ గౌడ్ చేతుల మీదుగా హుడా పార్క్, డా. ఎ.ఎస్. రావు నగర్‌లో కుంగ్ ఫు బెల్ట్ అప్‌గ్రేడేషన్ కార్యక్రమం ఘనంగా జరిగింది. పెద్ద సంఖ్యలో విద్యార్థులు, తల్లిదండ్రుల సమక్షంలో ఈ కార్యక్రమం ఉత్సాహంగా సాగింది.

ఈ సందర్భంగా కోచ్ కన్నా గౌడ్ మాట్లాడుతూ, పిల్లలకు చదువుతో పాటు కరాటే/కుంగ్ ఫు వంటి యుద్ధకళలు నేర్చుకోవడం ఆత్మరక్షణకు ఎంతో అవసరమని తెలిపారు. కుంగ్ ఫు సాధన ద్వారా శారీరక దృఢత్వంతో పాటు మానసిక స్థైర్యం, ఆత్మవిశ్వాసం పెరుగుతాయని పేర్కొన్నారు. చిన్న వయసు నుంచే క్రమశిక్షణ, ఏకాగ్రత అలవడుతుందని, జీవిత సవాళ్లను ధైర్యంగా ఎదుర్కొనే సామర్థ్యం పెరుగుతుందని వివరించారు.

ఈ కార్యక్రమంలో బెల్ట్ అప్‌గ్రేడ్ పొందిన విద్యార్థులు హన్నెన్, వైభవ్, అఫ్షిన్, జోర్డన్జా, జాహ్నవ, వైశాలి, ఏకం, వైభవ్, భాను, ఓంప్రకాశ్, పాషా తదితరులు. విద్యార్థుల ప్రదర్శనలు ప్రేక్షకులను ఆకట్టుకున్నాయి. కార్యక్రమానికి విశేష స్పందన లభించగా, నిర్వాహకులు భవిష్యత్తులో మరిన్ని శిక్షణ కార్యక్రమాలు నిర్వహించనున్నట్లు తెలిపారు.