యాదగిరిగుట్ట:వరంగల్‌లో జరిగే కార్యక్రమానికి బయలుదేరిన మాజీ మంత్రి, సిద్దిపేట ఎమ్మెల్యే హరీష్ రావు కు ఘన స్వాగతం లభించింది. మంగళవారం మండలంలోని వంగపల్లి గ్రామంలో జాతీయ రహదారి వద్ద భారత రాష్ట్ర సమితి (బీఆర్ఎస్) పార్టీ మండల శాఖ ఆధ్వర్యంలో ఆయనకు ఆత్మీయ స్వాగతం పలికారు.ఈ సందర్భంగా కార్యకర్తలు బాణసంచా కాల్చి “జై కేసీఆర్”, “జై జై బీఆర్ఎస్”, “జై హరీష్ రావు” అంటూ నినాదాలు చేశారు. యాదాద్రి శ్రీ లక్ష్మీనరసింహ స్వామివారి ప్రసాదాన్ని బీఆర్ఎస్ మండల అధ్యక్షుడు కర్రె వెంకటయ్య మాజీ మంత్రి హరీష్ రావుకు అందజేసి శాలువాతో సత్కరించారు.కార్యకర్తలతో మాట్లాడిన హరీష్ రావు,“వచ్చేది మన ప్రభుత్వమే. అందరూ ధైర్యంగా ఉండాలి” అని సూచించారు.ఈ కార్యక్రమంలో మండల అధ్యక్షుడు కర్రె వెంకటయ్య,పెద్ద కందుకూరు సర్పంచ్ వెంకటేష్ గౌడ్,మాజీ సర్పంచ్ లు తోటకూరి బీరయ్య,ఆరె మల్లేష్ బీఆర్ఎస్ నాయకులు,కార్యకర్తలు తదితరులు పాల్గొన్నారు.