వ్యాపార రంగంలో యువత ముందుకు వచ్చి రాణించాలని ఇ ఎల్ వి భాస్కర్ ఫౌండేషన్ చైర్మన్ ఇరుగదిండ్ల భాస్కర్ ఆకాంక్షించారు. మున్సిపాలిటీ పరిధిలోని తంగడపల్లి రోడ్డులో నూతనంగా ఏర్పాటు చేసిన ‘గాన్విక కిరాణం’ దుకాణాన్ని బుధవారం ఆయన ముఖ్య అతిథిగా హాజరై ప్రారంభించారు. ఈ సందర్భంగా వ్యాపార ప్రోత్సాహకంగా రూ.25 వేల ఆర్థిక సాయాన్ని అందజేశారు. అనంతరం భాస్కర్ మాట్లాడుతూ స్థానికంగా చిన్న చిన్న వ్యాపారాలు అభివృద్ధి చెందడం సంతోషకరమని అన్నారు. యువత ఉద్యోగాల కోసం మాత్రమే కాకుండా వ్యాపారాల వైపు దృష్టి సారించాలని సూచించారు. ఫౌండేషన్ ఎప్పుడూ కష్టాల్లో ఉన్నవారికి, కొత్తగా ఎదగాలనుకునే వారికి అండగా ఉంటుందని తెలిపారు. చిన్న వ్యాపారాలను ప్రోత్సహించినప్పుడే స్థానిక ఆర్థిక వ్యవస్థ బలోపేతం అవుతుందని పేర్కొన్నారు.ఈ కార్యక్రమంలో కౌన్సిలర్లు కొయ్యడ శేఖర్ గౌడ్, ఆలె చిరంజీవి, ఉదరి యాదయ్య, ఇ ఎల్ వి భాస్కర్ ఫౌండేషన్ సభ్యులు తదితరులు పాల్గొన్నారు.