హోరాహోరీ పోరులో BRS దూసుకుపోయింది

రామన్నపేట (మ): వెల్లంకి గ్రామంలో జరిగిన సర్పంచ్ ఎన్నికలు రాజకీయంగా తీవ్ర ఉత్కంఠకు దారి తీశాయి. చివరకు ప్రజల తీర్పు కాంగ్రెస్‌కు గట్టి ఎదురుదెబ్బగా మారింది. కాంగ్రెస్ బలపరిచిన అభ్యర్థి గంజి భార్గవి భాస్కర్‌ను ఓటర్లు తిరస్కరించగా, BRS బలపరిచిన ఈడెం రాధ శ్రీనివాస్ ఘన విజయం సాధించారు.

ఎన్నికల బరిలో కాంగ్రెస్‌కు CPM, TDP పార్టీల మద్దతు ఉన్నా ప్రయోజనం లేకుండా పోయింది. ఓటింగ్ ముగిసిన నాటి నుంచే ఉత్కంఠ నెలకొనగా, కౌంటింగ్‌లో BRS ఆధిక్యం స్పష్టంగా బయటపడింది.

గ్రామంలో అభివృద్ధి హామీలు, స్థానిక సమస్యలపై నిలకడైన వైఖరే BRSకు అనుకూలంగా మారిందని రాజకీయ వర్గాలు విశ్లేషిస్తున్నాయి. వెల్లంకి ఫలితంతో రామన్నపేట మండలంలో కాంగ్రెస్ బలహీనత మరోసారి బట్టబయలైంది.

ఈ విజయం BRS శ్రేణులకు ఉత్సాహాన్నివ్వగా, ప్రత్యర్థి వర్గాల్లో నిరాశ ముసిరింది. మండల రాజకీయాల్లో BRS దూకుడు కొనసాగుతుందన్న సంకేతంగా ఈ ఫలితం మారిందన్న చర్చ జోరందుకుంది.