చౌటుప్పల్ బాలాజీ రామకృష్ణ దేవాలయంలో ప్రత్యేక పూజలు

తెలుగు నూతన సంవత్సరం అయిన ఉగాది పర్వదినాన్ని పురస్కరించుకుని చౌటుప్పల్ మున్సిపాలిటీ పరిధిలోని శ్రీ బాలాజీ రామకృష్ణ దేవస్థానం లో శుభకార్యక్రమాలు ఘనంగా నిర్వహించారు.ఈ సందర్భంగా చౌటుప్పల్ మున్సిపల్ చైర్ పర్సన్ మొగుదాల పావని రమేష్ గౌడ్, లింగారెడ్డిగూడెం వాస్తవ్యులైన ఐపీఎస్ అధికారి సురకంటి శేషాద్రి రెడ్డి ని శాలువాతో ఘనంగా సత్కరించారు. అనంతరం ఉగాది శుభాకాంక్షలు తెలియజేస్తూ వారి సేవలను ప్రశంసించారు.దేవాలయంలో ప్రత్యేక పూజలు నిర్వహించి, భక్తులు పెద్ద ఎత్తున హాజరై స్వామివారిని దర్శించుకున్నారు.ఈ సందర్భంగా చైర్ పర్సన్ మాట్లాడుతూ, ఉగాది పండుగ ప్రజల జీవితాల్లో ఆనందం, ఐక్యత తీసుకురావాలని ఆకాంక్షించారు. ఐపీఎస్ అధికారి శేషాద్రి రెడ్డి ప్రజలకు శుభాకాంక్షలు తెలియజేస్తూ సమాజ సేవలో ముందుండాలని పిలుపునిచ్చారు.ఈ కార్యక్రమంలో కౌన్సిలర్ బత్తుల వాణి విప్లవ్ కుమార్ గౌడ్, ప్రజాప్రతినిధులు, నాయకులు, భక్తులు పాల్గొన్నారు.