నారాయణఖేడ్ నియోజకవర్గంలోని కంగ్టి మండల కేంద్రం నుంచి మహారాష్ట్రలోని ప్రసిద్ధ తుల్జాపూర్ దుర్గా భవానీ అమ్మవారి ఆలయానికి ఈ నెల 22వ తేదీ ఉదయం 5 గంటలకు పాదయాత్ర ప్రారంభం కానుంది. పాదయాత్ర సమితి అధ్యక్షుడు మెండే సంజీవరెడ్డి, ఉపాధ్యక్షుడు షెట్కార్ ఈదెప్ప, సహాయకులు చెన్ బసప్ప, మైపతి ఆధ్వర్యంలో సుమారు 200 కిలోమీటర్ల దూరం సాగే ఈ యాత్రలో 125 మంది భక్తులు పాల్గొననున్నారు. నాలుగు రోజుల పాటు కొనసాగనున్న పాదయాత్రలో భక్తులకు మార్గమధ్యంలో అల్పాహారం, భోజన సదుపాయాలు కల్పించనున్నట్లు నిర్వాహకులు తెలిపారు. దుర్గా భవానీ అమ్మవారిని దర్శించుకోవాలనుకునే భక్తులు ఈ పాదయాత్రలో పాల్గొనవచ్చని పేర్కొన్నారు. భక్తులందరూ అమ్మవారి నామస్మరణతో పాదయాత్రలో పాల్గొని యాత్రను విజయవంతం చేయాలని నిర్వాహకులు కోరారు.