కారు ఢీకొని మరొకరికి తీవ్ర గాయాలు.

నల్గొండ జిల్లా నకిరేకల్‌ మండలం తాటికల్‌ వద్ద సోమవారం ఘోర రోడ్డు ప్రమాదం చోటుచేసుకుంది. ప్రధాన రహదారిపై నడుచుకుంటూ వెళ్తున్న ఇద్దరిని కారు ఢీకొట్టడంతో బంటు వెంకన్న (35) మృతి చెందగా, మంగ సైదులు తీవ్రంగా గాయపడ్డారు.

మిర్యాలగూడ మండలం యాదగిరిపల్లికి చెందిన వెంకన్న, తాటికల్‌లో పెద్దమ్మ తల్లి పండుగ సందర్భంగా బంధువుల ఇంటికి వచ్చారు. ఈ క్రమంలో రహదారిపై నడుచుకుంటూ వెళ్తుండగా కారు ఢీకొట్టడంతో ఈ ప్రమాదం జరిగింది. తీవ్రంగా గాయపడిన సైదులును మెరుగైన చికిత్స నిమిత్తం హైదరాబాద్‌కు తరలించారు.

పోలీసులు కేసు నమోదు చేసి ప్రమాదానికి గల కారణాలపై దర్యాప్తు చేస్తున్నారు.