రైతులు, వ్యాపారులు గమనించాలి: చౌటుప్పల్ మండలంలో కొత్త ప్రాంతానికి మారిన విక్రయాలు

చౌటుప్పల్ స్థానికం ప్రతినిధి:

చౌటుప్పల్ మండలంలో క్రమం తప్పకుండా జరిగే గొర్రెలు, మేకల సంత ప్రాంతంలో మార్పులు చేసినట్లు సంబంధిత వర్గాలు తెలిపాయి. ఇకపై ప్రతి ఆదివారం వలిగొండ రోడ్డులోని రైతు వేదిక సమీపంలో గొర్రెల, మేకల కొనుగోళ్లు, అమ్మకాలు జరుగనున్నాయి.​మండల పరిధిలోని రైతులు, పెంపకందారులు, అలాగే వివిధ ప్రాంతాల నుంచి వచ్చే వ్యాపారులు ఈ మార్పును గమనించాలని కోరారు. నిర్దేశిత స్థలంలో విక్రయాలు సజావుగా సాగేలా అన్ని ఏర్పాట్లు పూర్తి చేసినట్లు, లావాదేవీల కోసం వచ్చేవారు సహకరించాలని నిర్వాహకులు కోరారు.